追求真價值投資之道

2020年第6週結

疫症似乎對巿場毫無打擊,反而創出新高,Q4的業績都非常理想,儘管疫情持續,但對於Q1的預期和全年預測都還是展望良好,股巿因而創出新高。本週為疫症傳來喜訊的是,GILEAD的抗伊波拉病毒藥對新冠狀病毒有效,現階段期盼雙盲測試有顯效作用,加快生產令疫情得以控制。

本週做了很多交易,而最後持倉如上,選最好的創業家,最瘋狂的人並大手持有,當然你會可能話你條友賭個巿衰點知又高追,隨便吧,反正組合就繼續向上,那一刻誰知道會發生什麼事,也不代表之後就表現不佳,現在才二月呢,路漫漫長,小心一點就好。自己為何突然又大手買進以上股票,我諗本週有幾篇思考已經解析了,這兒不再闡述,有興趣自己去睇睇。

TSLA表現超卓,高位也回落不少,巴菲特說ELON係好既管理者,但TSLA並不是好既投資,因為估值太高,比傳統汽車巨頭高不少,站係傳統制造業老巴是對的,但未來性呢,每一架TSLA係街到跑都不斷CAP數據,訓練背後套AI做FSD(全自動駕駛),咁呢套AI又值唔值錢呢,點計呢,正如當日老巴唔買AMZN到高位先入貨,不是每一位成名的人也能看穿任何事情,人總會有自己的盲點,這一點我對老巴是有保留的。(真囂張,居然質疑股神。)

現世代好野無平野,平野都唔會好得去邊,總無可能貪便宜買吉利唔買TSLA,同埋往績不代表未來,地產收租往績非常好,今年呢?零售都係,莎莎呢D自由行股,派息好好,今時今日呢,自己諗一諗,你渣車總無可能望住倒後鏡去渣架,咁樣撞死人又撞死自己,投資都係一樣,往績只係去考證管理層有冇兌現承諾,但未來係點樣同過往一點關係都無有。

我講一點港股,不代表我認為港股係好既投資地方,這一點必須重申,如果我現在買會買乜,誠哥、基維及渣哥,無他,我都係買人,現價係點,睇你點睇啦。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道