追求真價值投資之道

美聯儲示警

美聯儲主席講話美國經濟好好,但同時又留意到疫情的影響將會浮現,將會採取措施,譬如零息或者量寛以支持經濟。之前我都有講過,疫情會令經濟停頓,甚或出現滯漲,而各國之中又只有美國能再壓低息率和量寛去救經濟,所以選擇美股是有其道理,當然有留意既係就算點攻點守都好,我都保留高比例現金,現在就看看之後既推演如何。

如果疫情在兩三個月轉好,咁當然趁低買入美股好(其實有冇得趁低,好似唔識跌咁)。例如昨日講既MAGA無腦系列,唔會大羸但跑羸大巿絕對唔係問題,有興趣自己去睇返,或者選擇如十倍講既ARK系列都唔差,好多有潛質既股票囊括其中。

如果疫情在三個月內都未見好轉,咁停工或者復工都係未知之數,中國作為製造業大國,就算疫情只是中國國內之事,咁廉價產品停頓,美國消費支出都有可能增加,例如IPHONE還是高比例在中國生產,所以對美股會有一定沖擊,通漲都可能因而局部上漲,預計咁既情況,美聯儲會進一步壓低息率,美股價輕微修正,美債會向上,民間工業會加速從中國轉移至印度、越南和台灣等地,中期會抵消此一劣勢,美股可以重拾升軌,當然避開中國概念股。

如果疫情長期不解,希望唔好,咁會出現既情況就係上一段既加強版,消費引擎會熄火,美聯儲有機會壓到零息和量寬,呢個時候,債券升到盡,就到黃金和TIPS會向上,通漲可能會好勁,要視乎工業轉移情況和其他國家有否被疫症影響,到時候,又係另一個世界,有跡象去到先再算吧。

我認為目前情況,介於一與二之間,做最好的準備及最壞的打算,選股上不要向依賴中國的企業,無論生產和消費,這會影響到營收和成本進而影響估值,多留現金或作些許防守資產,唔好貪攻,咁幾本上已經算是投資有道了。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道