十倍股與十倍回報

昨天忙於不同事，亦忙於調動倉位，昨天拋下了一個問題，如果all in一穩陣大股和兩三成倉持有倍升股，你會怎樣選擇？那個風險你覺得大點？你有持有安心點？

當然不同人會得出不同答案，性格和心理亦甚有關係。我個人而言想到人生時間有限，股神亦說投資要把握大機會大浪時，如果你研究了一隻十倍股，但只佔有倉位1%時，若一直倉位不變，總回報才是10%，你心底覺得如何呢 ？

提出的原因主要是不想大家辛辛苦苦搵到一隻十倍股，才令你組合賺10%，事倍而功半。分散搵到幾隻倍升股，其實回報亦不見得會好好。所以為何我們常說傾向集中點的組合，適度分散，好似分散了風險，但亦將回報攤薄。

試想想你重貨穩陣的如QQQ SPY，組合上下波幅一定比持有倍升股細嗎？持有勁的倍升股，其實只要佔比得宣，組合風險不見得大反而回報更高。

當然有一重要前題是要慧眼識順大勢而行的十倍股了，人生苦短，散戶資金亦有限，所以要認清大勢，係科技股，係創新了，但是否勢已經行緊？還是 等到花兒也謝了，仍不動呢？散戶資金、時間、機會成本十分重要。

當然初學、滿足同大市同步唔想多研究個股就QQQ+TLT之類最簡單。但要跑贏大市，甚至追求高回報，要學集中及調整倉位，才可做到安心又有高回報。

所以看你要求，悉隨尊便，任君選擇